গুৱাহাটী: এক দীঘলীয়া আইনী যুঁজৰ অন্তত দিল্লী উচ্চ ন্যায়ালয়ে জামিন প্রদান কৰিলে জৱাহৰলাল নেহৰু বিশ্ববিদ্যালয়ৰ গৱেষক ছাত্রী অসমৰ দেৱাংগনা কলিতাক৷ দিল্লীৰ সাম্প্রদায়িক হিংসাত উচটনি দিয়াৰ অভিযোগত গ্রেপ্তাৰ হোৱা দেৱাংগনাৰ লগতে আজি নাটাশা নৰৱাল আৰু জামিয়াৰ ছাত্ৰী আচিফ ইকবাল তানহাকো জামিন প্ৰদান কৰে।
উল্লেখ্য যে ২০২০ চনৰ ফেব্ৰুৱাৰীত উত্তৰ-পূব দিল্লীত নাগৰিকত্ব (সংশোধনী) আইন (CAA)ৰ বিৰুদ্ধে প্ৰতিবাদৰ সময়ত সংঘটিত সাম্প্ৰদায়িক হিংসাৰ আঁৰত উচটনি দিয়াৰ অভিযোগত নাটাশা নৰৱাল আৰু অসমৰ দেৱংগনা কলিতাক ২০২০ চনৰ মে’ মাহত গ্ৰেপ্তাৰ কৰা হৈছিল।
