নতুন বছৰটোত ধিঙৰ বাবে আহিল এটা ভাল খবৰ।
ধিং এক্সপ্ৰেছ হিমা দাসে টকিঅ’ অলিম্পিকৰ বাবে যোগ্যতা অর্জন কৰিছে।
বাকী আছে আনুষ্ঠানিক ঘোষণা ।
হিমাৰ পৰিয়ালৰ লোক তথা হিমা ফেন ক্লাবৰ লগতে ধিংবাসী উৎফুল্লিত হৈ পৰিছে ।
কৃষকৰ জীয়ৰী হিমা দাসে অলিম্পিকত স্থান লাভ কৰাৰ কথা জানিব পাৰি পিতৃ-মাতৃয়ে পুৱা গধূলি নিতৌ নামঘৰত কৰিছে প্ৰাৰ্থনা ।
স্বৰ্ণ কন্যা হিমা দাসে টকিঅ’ অলিম্পিকৰ পৰা স্বৰ্ণ পদক আঁজুৰি আনক তাৰ বাবে অসমবাসীৰ পৰা বিচাৰিছে আশীৰ্বাদ ।
নগাঁও জিলাৰ ধিঙৰ কান্ধুলিমাৰীৰ গাঁৱৰ পিতৃ ৰঞ্জিত দাস আৰু মাতৃ জোনালী দাসৰ জীয়ৰী হিমা দাস ।
হিমা দাসে 4×100 ৰিলেত যোগ্যতা অর্জন কৰিবলৈ সক্ষম হৈছে।
